3-வது ஒருநாள் போட்டி: இந்திய அணிக்கு 338 ரன்கள் இலக்கு

இதில் வில் யங் 5 பவுண்டரிகள், ஒரு சிக்ஸர் என 30 ரன்களைச் சேர்த்த கையோடு பெவிலியன் திரும்பினார். அதன்பின் டேரில் மிட்செலுடன் இணைந்த கிளென் பிலீப்ஸும் சிறப்பான ஆட்டத்தை வெளிப்படுத்த அணியின் ஸ்கோரும் மளமளவென உயர்ந்தது. இதில் அபாரமான ஆட்டத்தை வெளிப்படுத்திய மிட்செல் சர்வதேச ஒருநாள் கிரிக்கெட்டில் தனது 9ஆவது சதத்தை பதிவு செய்து அசத்தினார்.

அவருடன் இணைந்து விளையாடி வந்த கிளென் பிலீப்ஸ் சர்வதேச ஒருநாள் கிரிக்கெட்டில் தனது இரண்டாவது சதத்தை பூர்த்தி செய்தார். இதன் மூலம் இருவரும் இணைந்து 4ஆவது விக்கெட்டிற்கு 214 ரன்கள் பார்ட்னர்ஷிப் அமைத்த நிலையில், 9 பவுண்டரிகள், 3 சிக்ஸர்கள் என 103 ரன்களை எடுத்திருந்த நிலையில் கிளென் பிலீப்ஸ் விக்கெட்டை இழக்க, 15 பவுண்டரிகள், 3 சிக்ஸர்களுடன் 137 ரன்களில் டேரில் மிட்செலும் ஆட்டமிழந்தார்.

பின்னர் களமிறங்கிய மிட்செல் ஹெய், ஜக்காரி ஃபால்க்ஸ் ஆகியோர் அடுத்தடுத்து சொற்ப ரன்களில் விக்கெட்டுகளை இழந்தனர். இறுதியில் ஜோடி சேர்ந்த கேப்டன் மைக்கேல் பிரேஸ்வெல் - கிறிஸ்டியன் கிளார்க் இணை அதிரடியாக விளையாடி ஸ்கோரை உயர்த்தினர். இதில் கிறிஸ்டியன் கிளார்க் 11 ரன்களில் விக்கெட்டை இழக்க, இறுதிவரை களத்தில் இருந்த மைக்கேல் பிரேஸ்வெல் ஒரு பவுண்டரி, 3 சிக்ஸர்கள் என 28 ரன்களைச் சேர்த்து ஃபினிஷிங்கை கொடுத்தார்.

இதன் மூலம் நியூசிலாந்து அணி நிர்ணயிக்கப்பட்ட 50 ஓவர்கள் முடிவில் 8 விக்கெட்டுகளை இழந்து 337 ரன்களைச் சேர்த்தது. இந்திய அணி தரப்பில் அர்ஷ்தீப் சிங் மற்றும் ஹர்ஷித் ரானா ஆகியோர் தலா 3 விக்கெட்டுகளை கைப்பற்றினர். இதனையடுத்து 338 ரன்கள் எடுத்தால் வெற்றி என்ற கடின இலக்கை நோக்கி இந்திய அணி விளையாடவுள்ளது.