ஷாருக்கானின் ‘கிங்’ படத்துக்கு ரூ.50 கோடியில் ஆக்ஷன் காட்சி!
Admin
பாலிவுட் சூப்பர் ஸ்டார் ஷாருக்கான், ‘ஜவான்’ படத்தை அடுத்து நடித்து வரும் படம், ‘கிங்’. இதில் தீபிகா படுகோன், சுஹானா கான், அபிஷேக் பச்சன், அபய் வர்மா, ராணி முகர்ஜி உள்ளிட்ட பலர் நடித்து வருகின்றனர். சித்தார்த் ஆனந்த் இயக்குகிறார்.
இவர்கள் இருவரும் இணைந்த ‘பதான்’ வெற்றி பெற்றதால் இப்படத்துக்கும் எதிர்பார்ப்பு உள்ளது. மெகா பட்ஜெட்டில் உருவாகும் பிரம்மாண்ட ஆக் ஷன் படமான இது டிச.24-ம் தேதி வெளியாக இருக்கிறது.
இந்நிலையில், இப்படத்தின் ஆக் ஷன் காட்சி படப்பிடிப்பு ஐரோப்பிய நாடுகளில் ‘லைவ் லோகேஷ’னில் நடந்து வருகிறது. இதற்கு மட்டும் ரூ.50 கோடி செலவழிக்கப்படுகிறது. அங்கு 10 நாட்கள் படப்பிடிப்பு நடக்கிறது என்றும் தினமும் ரூ.5 கோடி செலவு செய்யப்படுவதாகவும் படக்குழு தெரிவித்துள்ளது. இக்காட்சிகள் ஷாருக்கானின் மேற்பார்வையில் நடந்து வருகிறது. இதற்கு அனிருத் இசை அமைக்கிறார்.
