அமெரிக்காவின் அமைதி திட்டம் குறித்து மேற்கத்திய நாடுகளுடன் உக்ரைன் ஆலோசனை
Admin
ரஷ்யா - உக்ரைன் இடையே அமைதி ஏற்பட அமெரிக்கா கூறும் 28 அம்ச திட்டங்கள் குறித்து, ஜெனிவாவில் மேற்கத்திய கூட்டணி நாடுகளுடன் உக்ரைன் பேச்சுவார்த்தை நடத்தி வருகிறது.
ரஷ்யா - உக்ரைன் இடையே அமைதியை ஏற்படுத்தும் பணியில் அமெரிக்கா ஈடுபட்டுள்ளது. இது தொடர்பாக ரஷ்யா அதிபர் புதினுடன் அமெரிக்க அதிபர் ட்ரம்ப் ஏற்கெனவே பேச்சுவார்த்தை நடத்தினார்.
இது குறித்து உக்ரைன் அதிபர் ஜெலன்ஸ்கி கூறுகையில், இறையாண்மை உரிமையா அல்லது அமெரிக்காவின் ஆதரவா என்ற இரண்டு வாய்ப்புகளில் ஏதாவது ஒன்றை தேர்வு செய்ய வேண்டிய நிலை ஏற்பட்டுள்ளதாக தெரிவித்து உள்ளார்.
அமெரிக்காவின் இந்த அமைதி திட்டம் குறித்து ஜெனிவாவில், மேற்கத்திய கூட்டணி நாடுகளுடன் உக்ரைன் ஆலோசனை நடத்தி வருகிறது. இங்கிலாந்து, பிரான்ஸ் மற்றும் ஜெர்மனியின் தேசிய பாதுகாப்பு ஆலோசகர்களுடன் முதல் கட்ட பேச்சுவார்த்தை நடத்தியுள்ளதாக உக்ரைன் குழுவின் தலைவர் அண்ட்ரி யர்மாக் தெரிவித்துள்ளார்.
