6 பெட்டிகள் கொண்ட 28 மெட்ரோ ரயில்களை வாங்க ரூ.2,036 கோடிக்கு ஒப்பந்தப்புள்ளி

சென்னை மெட்ரோ ரயில் முதல் கட்​டம், முதல்​கட்ட நீட்​டிப்பு திட்​டத்​தில் உள்ள வழித்​தடங்​களில், பயணி​களின் வசதிக்​காக 6 பெட்​டிகள் கொண்ட 28 மெட்ரோ ரயில்​களை வாங்க ரூ.2,036 கோடிக்கு ஒப்​பந்​தப்​புள்ளி கோரப்​பட்​டுள்​ளது.

சென்​னை​யில் இரு வழித்​தடங்​களில் 54.1 கி.மீ. தொலைவுக்கு தலா 4 பெட்​டிகள் கொண்ட 45 மெட்ரோ ரயில்​கள் நாள்​தோறும் இயக்​கப்​படு​கின்​றன. பாது​காப்​பான, சொகு​சான, விரை​வான பயணம் காரண​மாக, மெட்ரோ ரயில்​களில் பயணிப்​போர் எண்​ணிக்கை உயர்ந்து வரு​கிறது.

சராசரி​யாக ஒரு மாதத்​துக்கு 90 லட்​சம் முதல் ஒரு கோடி பேர் வரை பயணம் செய்​கின்​றனர். இதற்​கிடை​யில் 4 பெட்​டிகளை கொண்ட மெட்ரோ ரயில்​கள் மக்​களின் பயன்​பாட்​டுக்கு போது​மான​தாக இல்​லாத​தால், கூடு​தல் பெட்​டிகள் அல்​லது கூடு​தல் ரயில்​களை இயக்க பயணி​களிட​மிருந்து தொடர்ந்து கோரிக்​கைகள் வந்​தன.

முதலில் ஏற்​கெனவே உள்ள ரயில்​களில் 2 பெட்​டிகளை சேர்ப்​பது தொடர்​பாக ஆலோ​சனை நடை​பெற்​றது. இறு​தி​யாக, புதி​தாக 28 ரயில்​களை வாங்க சென்னை மெட்ரோ ரயில் நிர்​வாகம் முடிவு செய்​தது.

அதன்​படி 6 பெட்​டிகள் கொண்ட 28 ரயில்​களை வாங்க ரூ.2,036 கோடிக்கு ஒப்​பந்​தப்​புள்ளி விடப்​பட்​டுள்​ளது. 168 பெட்​டிகள் கொண்ட 28 ரயில்​களை முழு​வதும் தயாரித்து முடிக்க இரண்​டரை ஆண்டு காலம் ஆகும். 28 ரயில்​கள் பயன்​பாட்​டுக்கு வரும் பட்​சத்​தில் ஏற்​கெனவே பயன்​பாட்​டில் உள்ள நிமிட இடைவெளியைக் காட்​டிலும் குறைந்த நேரத்​தில் அதிக ரயில்​களை இயக்க முடி​யும் என மெட்ரோ ரயில் நிறுவன அதி​காரி​கள் தெரி​வித்​தனர்.