தக்காளியை பச்சையா சாப்பிடுபவரா நீங்கள்? இந்த நன்மைகளை தெரிஞ்சுக்கோங்க!

செரிமானம்: வயிறு உப்புசம் (Bloated) அல்லது மலச்சிக்கல் (Constipated) பிரச்சனையால் அவதிப்பட்டால், தினமும் ஒரு தக்காளியை பச்சையாக சாப்பிட பரிந்துரைக்கப்படுகிறது. பச்சைத் தக்காளியில் உள்ள அதிக நீர் மற்றும் நார்ச்சத்து செரிமானத்திற்கு சிறந்தவை. இவை இயற்கையாகவே உடலைச் சுத்தப்படுத்த உதவுகின்றன. மேலும், தக்காளியில் உள்ள லேசான அமிலங்கள், உணவைச் சரியாக ஜீரணிக்கத் தேவையான இரைப்பைச் சாறுகளை (stomach juices) உற்பத்தி செய்யத் தூண்டுகின்றன.

எடை கட்டுப்பாடு: எடையை குறைக்க நினைப்பவர்கள், தக்காளியை பச்சையாக சாப்பிடுவது சிறந்த தேர்வாகும் என்கிறது ஆய்வு. இதில் கலோரிகள் குறைவு, நீர்ச்சத்து அதிகம் என்பதால் பசியாக உணரும் போது பச்சையாக ஒரு தக்காளி சாப்பிடுவது வயிறு நிரம்பிய உணர்வை தரும். மேலும், தக்காளியில் உள்ள இயற்கையான இனிப்பு, ஸ்வீட் க்ரேவிங்க்ஸை தடுக்கிறது.

புற்றுநோய்க்கு எதிரான பாதுகாப்பு: தக்காளியின் சிகப்பு நிறம் லைக்கோபீன் சத்தில் இருந்து வருகிறது. இது புராஸ்டேட் மற்றும் வயிற்றுப் புற்றுநோய் போன்ற சில புற்றுநோய்களின் அபாயத்தைக் குறைப்பதுடன் இணைக்கப்பட்டுள்ளது என NCBI இதழில் வெளியான ஆய்வில் தெரியவந்துள்ளது.

மன ஆரோக்கியம்: தக்காளி உடலுக்கு மட்டுமல்ல, மனநிலையையிலும் தாக்கத்தை ஏற்படுத்துகிறது. தக்காளியில் உள்ள ஃபோலேட் (Folate) மற்றும் மெக்னீசியம் மூளை ஆரோக்கியத்தை ஆதரிக்கின்றன. ஃபோலேட் மனச்சோர்வு (depression) போன்றவற்றுடன் தொடர்புடைய சேர்மங்களைக் குறைக்க உதவுகிறது. பச்சையான தக்காளியை உணவில் சேர்ப்பது ரத்த சர்க்கரை அளவை நிலையாக வைத்திருக்கவும், அத்தியாவசிய ஊட்டச்சத்துக்களை வழங்கவும் உதவும்.