அடிக்கடி வரும் தலைவலியை ஏன் புறக்கணிக்க கூடாது..? விளக்கும் நிபுணர்கள்..!
Admin
0
18
பலர் அடிக்கடி தலைவலியால் அவதிப்படுகிறார்கள், ஆனால் அப்படி வலிக்கும் போது 'ஒன்றுமில்லை - வெறும் தலைவலி தான் இது' என்று ஒதுக்கித் தள்ளிவிடுகிறார்கள், மேலும் தலைவலி மோசமடையும் போது அருகில் இருக்கும் மருந்தகங்களில் கிடைக்கும் வலி நிவாரணிகளை பயன்படுத்துகிறார்கள்.
ஆனால் தலைவலி குறிப்பாக அடிக்கடி ஏற்பட்டால் அதனை புறக்கணிக்க கூடாது என்று சுகாதார நிபுணர்கள் வலியுறுத்துகின்றனர்.
முடக்கும் தலைவலி:
தலைவலி மிகவும் பொதுவானது, கிட்டத்தட்ட நம் அனைவருக்கும் எப்போதாவது தலைவலி வருகின்றது. ஆனால் இது தொடர்ந்து அல்லது மீண்டும் மீண்டும் ஏற்படும் போது, அவை தலைவலி கோளாறின் (headache disorder) அறிகுறியாகும். தலைவலி கோளாறுகள் நம்மி இயல்பு வாழ்க்கையிலிருந்து முடக்க கூடும் என்பதால் அவற்றை அலட்சியமாக கையாள கூடாது.
தலைவலி கோளாறுகளை சந்திக்கும் தனிநபர்களுக்கு அது ஒரு தனிப்பட்ட துன்பம், வாழ்க்கைத் தரம் குறைவது மற்றும் நிதிச் செலவுகளுக்கு வழிவகுக்கும். நரம்பு மண்டலத்தின் மிகவும் பொதுவான கோளாறுகளில் ஒன்றான தலைவலி கோளாறுகள் உலக மக்கள் தொகையில் சுமார் 40% பேரை பாதித்துள்ளதாக WHO தெரிவித்துள்ளது. கடந்த 2021-ஆம் ஆண்டில், 3.1 பில்லியன் மக்கள் தலைவலி கோளாறுகளால் பாதிக்கப்பட்டனர். இதில் ஆண்களை விட பெண்களின் எண்ணிக்கையே அதிகம்.
தலைவலி கோளாறுகள் (headache disorders) என்றால் என்ன?
உங்களுக்கு தொடர்ச்சியாக அல்லது மீண்டும் மீண்டும் தலைவலி ஏற்பட்டால் அது தலைவலி கோளாறுகளின் அறிகுறியாக இருக்கலாம். WHO-வின் கூற்றுப்படி, தலைவலி கோளாறு என்பது தொடர்ச்சியான தலைவலிகளால் வகைப்படுத்தப்படும் ஒரு நிலை ஆகும். முதன்மை தலைவலி கோளாறுகளில் (Primary headache disorders) ஒற்றை லைவலி, டென்சன்-டைப் தலைவலி மற்றும் கிளஸ்டர் தலைவலி ஆகியவை அடங்கும். பல்வேறு வகையான தலைவலி மற்றும் ஒற்றை தலைவலிகள் உள்ளன. இதில் ஒற்றை தலைவலி மிகவும் பொதுவான ஒன்றாகும்.
NYU கிராஸ்மேன் மருத்துவப் பள்ளியில் பயிற்சி பெற்ற பிரபல நரம்பியல் நிபுணர் டாக்டர் நிக்கோலின் ஸ்கீஸ், WHO-ன் இன்ஸ்டாகிராம் பேஜில் பகிரப்பட்ட ஒரு போஸ்டில், இது பொதுவாக ஆண்களை விட பெண்களை அதிகம் பாதிக்கிறது, மேலும் இது மூளையின் பகுதியில் உள்ள ரத்த நாளங்கள் மற்றும் நரம்பு மாற்றங்களால் ஏற்படுகிறது என தெரிவித்தார்.
கழுத்து மற்றும் தோள்பட்டை தசைகளுக்குள் ஏற்படும் டென்ஷன் மற்றும் ஸ்ட்ரஸ்சால் டென்ஷன்-வகை தலைவலி ஏற்படுகிறது. மேலும் இந்த வகை தலைவலி பெரும்பாலும் ஒருநாளின் முடிவில், மிகவும் கடினமான வேலைகள் நிறைந்த நாளுக்குப் பிறகு அல்லது, தவறான பொஷிஷனில் அமர்ந்து நீண்டநேரம் வேலை செய்வதால் என பல காரணிகளால் ஏற்படுகிறது. அதே போல மருந்துகளால் ஏற்படும் தலைவலிகள் அதிகரித்து வருகின்றன.
மக்களில் பலர் அதிக மருந்துகள், அதிக வலி நிவாரணிகளை எடுத்துக் கொள்ளும் போது இந்த வகை தலைவலிகள் ஏற்படுகின்றன, மேலும் இது அடிக்கடி தலைவலியை ஏற்படுத்துகிறது என்று அவர் கூறினார்.
சேஜ் ஜர்னல்ஸில் வெளியிடப்பட்ட 'Headache disorders: differentiating and managing the common subtypes' என்ற தலைப்பில் 2012-ஆம் ஆண்டு நடத்தப்பட்ட ஒரு ஆய்வில், செகண்டரி தலைவலிகள் மிகவும் முக்கியமானவை என்பதை கண்டறிந்துள்ளது, ஏனெனில் அவை தீவிரமானவை மற்றும் உயிருக்கே ஆபத்தானவை. ஆனால் சரியான நேரத்தில் கண்டறிந்து சிகிச்சை பெறுவது உயிரைக் காப்பாற்றும் என்பதால் அவற்றை முன்கூட்டியே கண்டறிவது மிகவும் முக்கியம்.
எப்போது மருத்துவ உதவியை நாட வேண்டும்..?
தலைவலி வழக்கத்தை விட அடிக்கடி ஏற்பட்டால், மருத்துவ ஆலோசனையைப் பெறுவது முக்கியம். NHS UK இன் படி, பின்வரும் அறிகுறிகளை நீங்கள் கவனித்தால் உங்கள் மருத்துவரிடம் செல்ல வேண்டும்:
- அடிக்கடி வரும் தலைவலி
- வெளிப்படையான காரணமின்றி வாந்தி, அதிக காய்ச்சல், கழுத்தில் இறுக்கம், அல்லது சோர்வு கலந்த தூக்கம் வருவது.
- உங்கள் தலையில் அடி அல்லது வேறு காயம் ஏற்பட்ட பிறகு தொடர்ந்து தலைவலி இருப்பது
- உங்களை தூங்க விடாமல் தடுக்கும் அல்லது உங்களை தூக்கத்திலிருந்து எழுப்பும் தலைவலி
- இருமல், சிரமப்படும் போது, படுக்கும் போது அல்லது சிரிக்கும்போது தலைவலி மோசமடைந்தால்
- பேச்சு அல்லது ஆளுமையில் மாற்றம்
- உடலில் பலவீனம், உணர்வின்மை அல்லது வேறு விசித்திரமான உணர்வுகள், அல்லது உங்கள் கால்களில் நிலையற்ற உணர்வு காணப்பட்டால்
- 'யாரோ சுத்தியலால் அடிப்பது' போன்ற திடீர், கடுமையான தலைவலி
- பிரகாசமான வெளிச்சத்தில் கண்கள் அசௌகரியமாக உணருதல் அல்லது திடீர் பிளைண்ட் ஸ்பாட்ஸ்
- தசை வலிகள், மெல்லும் போது வலி அல்லது உடல்நிலை சரியில்லாமல் இருந்தால்
தலைவலியைப் புறக்கணித்து குறிப்பாக அவை மீண்டும் மீண்டும் வரும் போது அது இயல்பானது என்று ஒருபோதும் நல்ல யோசனையல்ல. உங்களுக்கு தலைவலி கோளாறுகள் ஏதேனும் இருப்பது கண்டறியப்பட்டால், உங்கள் சிகிச்சையை ஆதரிக்கவும், உங்கள் நிலையை மேம்படுத்தவும் WHO பரிந்துரைத்திருக்கும் சில எளிய வழிமுறைகள் இங்கே:
- மது அருந்தும் பழக்கம் இருந்தால் அதனை கட்டுப்படுத்த வேண்டும்
- வழக்கமான தூக்கம் மற்றும் உடற்பயிற்சி
- ஆரோக்கியமான உணவுகள்
- எப்போதும் நீர்ச்சத்துடன் இருத்தல்
- தலைவலி நாட்காட்டியை (headache calendar) பயன்படுத்துதல்
எனவே, அடுத்த முறை தலைவலி வரும்போது, அதை "வெறும் தலைவலி" என்று அலட்சியமாக இருப்பதற்கு பதிலாக, கவனம் செலுத்துங்கள். அந்த அறிகுறி உங்கள் உடல் உங்களுடன் தொடர்பு கொள்வதாக இருக்கலாம், மேலும் அந்த அறிகுறிகளை புறக்கணிப்பது ஆரம்பகால தலையீடு, சரியான சிகிச்சை அல்லது உயிர்காக்கும் மருத்துவ பராமரிப்பை பெறுவதற்கான வாய்ப்பை இழக்கச் செய்யும்.
