உ.பி. அணிக்கு எதிரான ரஞ்சி போட்டி: தமிழக வீரர்கள் பாபா, சித்தார்த் சதம்

உத்தரபிரதேச அணிக்​கு எ​தி​ரான ரஞ்சி கிரிக்​கெட் போட்​டி​யின் லீக் ஆட்​டத்​தில் தமிழக வீரர்​கள் பாபா இந்​திரஜித், ஆந்த்ரே சித்​தார்த் ஆகியோர் அபார​மாக விளை​யாடி சதம் விளாசினர்.

உ.பி., தமிழக அணி​களுக்கு இடையி​லான ரஞ்சி கிரிக்​கெட் லீக் போட்டி கோயம்​புத்​தூரிலுள்ள ஸ்ரீராமகிருஷ்ணா கலை, அறி​வியல் கல்​லூரி மைதானத்​தில் நேற்று தொடங்​கியது.

முதலில் விளை​யாடிய தமிழக அணி முதல் நாள் ஆட்ட நேர இறு​தி​யில் 81.3 ஓவர்​களில் 5 விக்​கெட் இழப்​புக்கு 282 ரன்​கள் குவித்​துள்​ளது. தொடக்க ஆட்​டக்​காரர்​கள் பாலசுப்​பிரமணி​யம் சச்​சின் 2, என்​.ஜெகதீசன் 8, பிரதோஷ் ரஞ்​சன் பால் 2, பி.வித்​யுத் 11 ரன்​கள் எடுத்து ஆட்​ட​மிழந்​தனர். ஆனால் 5-வது விக்​கெட்​டுக்கு ஜோடி சேர்ந்த பாபா இந்​திரஜித்​தும், ஆந்த்ரே சித்​தார்த்​தும் அபார​மாக விளை​யாடி இன்​னிங்ஸை கட்​டமைத்​தனர்.

38-வது ஓவரின் ​போது தமிழக அணி 4 விக்​கெட் இழப்​புக்கு 71 ரன்​கள் என்ற நிலை​யில் இருந்​தது. ஆனால், ஆந்த்ரே சித்​தார்த், பாபா இந்​திரஜித்​தின் அபார​மான ஆட்​டத்​தால் தமிழக அணி 200 ரன்​களைத் தாண்​டியது. இரு​வரும் அடுத்​தடுத்து சதம் விளாசினர்.

ஆந்த்ரே சித்​தார்த் 205 பந்​துகளில் 121 ரன்​கள் எடுத்​திருந்​த​போது குணால் தியாகி பந்​து​ வீச்​சில், ஷிவம் மாவி​யிடம் கேட்ச் கொடுத்து ஆட்​ட​மிழந்​தார். மறு​முனை​யில் பாபா இந்​திரஜித் 157 பந்​துகளில் 8 பவுண்​டரி​கள், 5 சிக்​ஸர்​களு​டன் 128 ரன்​கள் குவித்து ஆட்​ட​மிழக்​காமல் உள்​ளார்.

உ.பி. அணி தரப்​பில் ஆகிப் கான், குணால் தியாகி ஆகியோர் 2 விக்​கெட்​களை​யும், கார்த்​திக் யாதவ் ஒரு விக்​கெட்​டை​யும் கைப்​பற்​றினர். இந்​நிலை​யில் 2-ம் நாள் ஆட்​டத்தை இன்று தமிழக அணி தொடர்ந்​து விளை​யாடுகிறது​.