புதிய தொழிலாளர் சட்டங்கள் அமல்... என்னென்ன தெரியுமா?

வேலைவாய்ப்பு முறைப்படுத்தல்: அனைத்து தொழிலாளர்களுக்கும் கட்டாய நியமனக் கடிதங்கள், எழுத்துப்பூர்வ சான்று வெளிப்படைத்தன்மை, வேலைப் பாதுகாப்பு மற்றும் நிலையான வேலைவாய்ப்பை உறுதி செய்யும். வெளிப்படைத்தன்மையை அதிகரிக்க, அனைத்துத் தொழிலாளர்களுக்கும் நியமனக் கடிதம் வழங்குவது கட்டாயமாக்கப்பட்டுள்ளது.

சமூகப் பாதுகாப்பு காப்பீடு: அனைத்து தொழிலாளர்களும் சமூகப் பாதுகாப்பு காப்பீட்டைப் பெறுவார்கள். அனைத்து தொழிலாளர்களுக்கும் PF, ESIC, காப்பீடு மற்றும் பிற சமூக பாதுகாப்பு சலுகைகள் கிடைக்கும். 40 வயதிற்கு மேற்பட்ட தொழிலாளர்களுக்கு வருடந்தோறும் இலவச உடல்நலப் பரிசோதனை உறுதி செய்யப்பட்டுள்ளது. 500-க்கும் மேற்பட்ட தொழிலாளர்களை கொண்ட நிறுவனங்களில் கட்டாயப் பாதுகாப்புக் குழுக்கள் அமைக்கப்பட வேண்டும்.

குறைந்தபட்ச ஊதியம்: அனைத்து தொழிலாளர்களும் சட்டப்பூர்வ குறைந்தபட்ச ஊதியத்தைப் பெற வேண்டும். சரியான நேரத்தில் ஊதியமும் நிதிப் பாதுகாப்பை உறுதி செய்யும். மேலும் தொழிலாளர்களுக்காக பல்வேறு நன்மைகள் தரும் வகையில் சட்டங்கள் அமல்படுத்தப்பட்டுள்ளது.

இது முன்னர், குறிப்பிட்ட தொழில்களுக்கு மட்டுமே இருந்தது. இந்தச் சட்டம் Gig மற்றும் பிளாட்ஃபார்ம் தொழிலாளர்கள் உட்பட அனைவருக்கும் ஒரே மாதிரியான சமூகப் பாதுகாப்பை கட்டாயமாக்குகிறது. அதாவது, அவர்களுக்கு PF, ESIC மற்றும் காப்பீடு போன்ற பலன்கள் கிடைக்கின்றன. மேலும், இவர்களது நல நிதிக்காக, ஆக்ரிகேட்டர்கள் முதலில் 1-2% பங்களிக்க வேண்டும்.

போதுமான பாதுகாப்பு நடவடிக்கைகள் மற்றும் சம்மதத்துடன் சுரங்கத் தொழில்கள் உட்பட அனைத்துத் துறைகளிலும் பெண்கள் இரவுப் பணி செய்ய இந்தச் சீர்திருத்தங்கள் அனுமதிக்கின்றன, மேலும் சம ஊதியம் உறுதி செய்யப்படுகிறது. வணிகங்களுக்கு, குறிப்பாக சிறு மற்றும் நடுத்தர நிறுவனங்களுக்கு (MSMEs) ஒரே பதிவு, ஒரே உரிமம் மற்றும் ஒரே ரிட்டர்ன் என்ற செயல்முறை மூலம் இணக்கச் சுமை வெகுவாகக் குறைக்கப்படுகிறது.

ஒரு வருட சேவைக்குப் பிறகு கிராஜுவிட்டி உட்பட, நிரந்தர ஊழியர்களுக்குக் கிடைக்கும் அனைத்துச் சலுகைகளுக்கும் வரையறுக்கப்பட்ட கால ஒப்பந்தத்தில் உள்ள ஊழியர்கள் தகுதியுடையவர்கள் ஆவர்.