விஜய்யால் திமுக கூட்டணியின் வெற்றியை தடுக்க முடியாது: மு.வீரபாண்டியன் கருத்து
Admin
0
1
“இந்தத் தேர்தலில் தவெக தலைவர் விஜய் தாக்கத்தை ஏற்படுத்தினாலும், திமுக கூட்டணியின் வெற்றியை தடுத்து நிறுத்த முடியாது” என்று இந்திய கம்யூனிஸ்ட் கட்சியின் மாநிலச் செயலாளர் மு.வீரபாண்டியன் கூறினார்.
புதுக்கோட்டை மாவட்டம் அறந்தாங்கியில் நேற்று செய்தியாளர்களிடம் பேசிய அவர் கூறியதாவது: பிஹார் தேர்தலில் வாக்கு திருட்டு, தேர்தல் விதிமீறல்கள் நடந்துள்ளன. இந்த விவகாரத்தில் தேர்தல் ஆணையமும், மத்திய அரசும் கைகோத்துள்ளன. எஸ்ஐஆர் பணியை வருவாய் துறை அலுவலர்கள் புறக்கணித்து இருப்பதும், பழைய ஓய்வூதியம் வேண்டும் என வலியுறுத்தி ஜாக்டோ- ஜியோ போராட்டம் அறிவித்துள்ளதும் நியாயமானதுதான். இதேபோல, திமுக தனது தேர்தல் வாக்குறுதிகளையும் முழுமையாக நிறைவேற்ற வேண்டும்.
