அறிமுக இயக்குநர் இயக்கத்தில் சிம்பு?
Admin
அறிமுக இயக்குநர் தீபக் ரெட்டி இயக்கத்தில் சிம்புவை நடிக்கவைக்க பேச்சுவார்த்தை நடத்தப்பட்டு வருகிறது.
‘அரசன்’ படத்தின் ஆரம்பகட்டப் பணிகள் தீவிரமாக நடைபெற்று வருகின்றன. இதனிடையே, புதிய படமொன்றில் நடிக்க சிம்புவிடம் பேச்சுவார்த்தை நடத்தப்பட்டு உள்ளது. இதனை அறிமுக இயக்குநர் தீபக் ரெட்டி இயக்கவுள்ளார். அவர் இதற்கு முன்பாக குறும்படம் ஒன்றை மட்டுமே இயக்கி இருக்கிறார். இப்படத்தினை சித்தாரா எண்டர்டெயின்மெண்ட் நிறுவனம் தயாரிக்கவுள்ளது.
இப்படம் குறித்த இறுதிகட்டப் பேச்சுவார்த்தை நடைபெற்று வருகிறது. இதில் சுமுகமாக முடிவு எட்டப்படும் பட்சத்தில், இது குறித்த அதிகாரபூர்வ அறிவிப்பு விரைவில் வெளியாகும். தற்போது ‘அரசன்’, அஸ்வத் மாரிமுத்து இயக்கவுள்ள படம் ஆகியவற்றில் கவனம் செலுத்தி வருகிறார் சிம்பு. ’அரசன்’ படத்தின் படப்பிடிப்பு அக்டோபர் மாத இறுதியில் தொடங்கவுள்ளது.
சிம்பு நடிப்பில் உருவாகும் 50-வது படம் என்ன என்பது தற்போதைய கேள்வியாக இருக்கிறது. முதலில் இப்படத்தினை தேசிங்கு பெரியசாமி இயக்குவதாக இருந்தது. மணிகண்டன் நடிக்கும் படத்தினை இயக்கி முடித்துவிட்டு, சிம்பு நடிக்கும் படத்தினை தேசிங்கு பெரியசாமி இயக்குவார் எனக் கூறப்பட்டு வருகிறது.
