சண்டிகருக்கு தனி நிர்வாக அதிகாரியை நியமிக்க கடும் எதிர்ப்பு: நாடாளுமன்றத்தில் மசோதா தாக்கல் இல்லை
Admin
சண்டிகர் யூனியன் பிரதேசத்துக்கு தனி நிர்வாக அதிகாரியை நியமிக்கும் மத்திய அரசின் முடிவுக்கு கடும் எதிர்ப்பு கிளம்பி உள்ளது. இந்நிலையில் இது தொடர்பாக இன்னும் இறுதி முடிவு எடுக்கப்படவில்லை என மத்திய அரசு தெரிவித்துள்ளது.
சண்டிகர் யூனியன் பிரதேசமாக இருந்தாலும், பஞ்சாப் மற்றும் ஹரியானா மாநிலங்களின் தலைநகரமாகவும் விளங்குகிறது. அதேநேரம், பஞ்சாப் ஆளுநர் சண்டிகர் யூனியன் பிரதேசத்தின் நிர்வாக அதிகாரியாகவும் செயல்பட்டு வருகிறார்.
இந்நிலையில், மத்திய அரசின் இந்த முடிவுக்கு பஞ்சாபில் ஆளும் ஆம் ஆத்மி, காங்கிரஸ், ஷிரோமணி அகாலி தளம் உள்ளிட்ட கட்சிகள் கடும் எதிர்ப்பு தெரிவித்துள்ளன.
இதுபோல அகாலி தளம் கட்சியின் மூத்த தலைவர் ஹர்சிம்ரத் கவுர் பாதல் கூறும்போது, “எந்த ஒரு சர்வாதிகாரி முன்பும் பஞ்சாபியர்கள் தலைவணங்க மாட்டார்கள் என்பதை வரலாறு சொல்லும். சண்டிகர் பஞ்சாப் மாநிலத்துக்கு சொந்தமானது’’ என்றார்.
அதேநேரம் சண்டிகரின் பாரம்பரிய நிர்வாக கட்டமைப்பை மாற்றும் நோக்கம் இல்லை. சண்டிகரின் நலனை கருத்தில் கொண்டு சம்பந்தப்பட்ட அனைவருடனும் ஆலோசனை நடத்திய பிறகே இறுதி முடிவு எடுக்கப்படும். வரும் நாடாளுமன்ற கூட்டத் தொடரில் இது தொடர்பாக எந்த மசோதாவும் தாக்கல் செய்யப்பட மாட்டாது’’ என கூறப்பட்டுள்ளது.
