எம்எல்எஸ் கோப்பையை வென்றது மெஸ்ஸியின் இன்டர் மியாமி அணி!
Admin
எம்எல்எஸ் கோப்பை தொடரை, லயோனல் மெஸ்ஸி தலைமையிலான இன்டர் மியாமி கால்பந்து கிளப் அணி முதல் முறையாக வென்றுள்ளது.
வான்கூவர் ஒயிட் கேப்ஸ் அணி உடனான இறுதிப் போட்டியில் 3-1 என்ற கோல் கணக்கில் பட்டத்தை தட்டிச் சென்றது இன்டர் மியாமி.இந்தப் போட்டி புளோரிடாவின் ஃபோர்ட் லாடர்டேல் பகுதியில் உள்ள சேஸ் மைதானத்தில் சனிக்கிழமை நடைபெற்றது. இந்த ஆட்டம் தொடங்கிய எட்டாவது நிமிடத்தில் சுய கோல் கொடுத்தது ஒயிட் கேப்ஸ் அணி. இரண்டாவது பாதியில் அந்த அணியின் அலி அகமது பதிவு செய்த கோல் ஆட்டத்தை 1-1 என சமன் செய்தது.
கடந்த 2023-ல் இன்டர் மியாமி கிளப் அணியுடன் மெஸ்ஸி இணைந்தார். முன்னதாக, பார்சிலோனா மற்றும் பிஎஸ்ஜி கிளப் அணிகளில் மெஸ்ஸி விளையாடி உள்ளார். 2022-ல் ஃபிபா உலகக் கோப்பையை மெஸ்ஸி தலைமையிலான அர்ஜென்டினா அணி வென்றது. இந்நிலையில், அடுத்த ஆண்டு அமெரிக்கா, கனடா மற்றும் மெக்சிகோ நாட்டில் ஃபிபா உலகக் கோப்பை நடைபெற உள்ளது குறிப்பிடத்தக்கது. இதற்கான அட்டவணை விவரமும் அண்மையில் வெளியானது.
