சூப்பர் ஹிட்டான மம்மூட்டியின் ‘களம்காவல்’ ஓடிடியில் எப்போது ரிலீஸ்..?
Admin
0
13
மம்மூட்டி நடிப்பில் வெளியாகி ரசிகர்களிடையே வரவேற்பை பெற்ற ‘களம் காவல்’ மலையாள திரைப்படத்தின் ஓடிடி ரிலீஸ் தேதியை படக்குழு அறிவித்துள்ளது.
அறிமுக இயக்குநர் ஜித்தின் கே ஜோஸ் இயக்கத்தில் மம்மூட்டி, விநாயகன், காயத்ரி அர்ஜூன், ரஜிஷா விஜயன், ஸ்ருதி ராமசந்திரன், மாளவிகா மேனன் உள்ளிட்ட பலர் நடித்துள்ள படம் ‘களம்காவல்’. இந்தப் படம் கடந்த ஆண்டு டிசம்பர் 5-ம் தேதி திரையரங்குகளில் வெளியாகி ரசிகர்களிடையே வரவேற்பை பெற்றது.
குறைந்த பட்ஜெட்டில் உருவான இந்தப் படம் உலக அளவில் ரூ.80 கோடிக்கும் அதிகமான வசூலை ஈட்டியது. வில்லனாக மம்மூட்டி மிரட்டலான நடிப்பை வெளிப்படுத்தியதாக ரசிகர்கள் பாராட்டினர். இந்தப் படம் எப்போது ஓடிடியில் வெளியாகும் என ரசிகர்கள் காத்திருந்தனர்.
இந்நிலையில் இந்தப் படம் தற்போது வரும் ஜனவரி 16-ம் தேதி சோனி லிவ் ஓடிடியில் வெளியாகும் என அறிவிக்கப்பட்டுள்ளது. படத்தை மலையாளம் தவிர்த்து, தமிழ், தெலுங்கு, இந்தி மொழிகளிலும் காண முடியும் என படக்குழு அறிவித்துள்ளது.
