மாதம் ரூ.69,000 சம்பளத்தில் வேலை... இன்னும் 8 நாள்களே அவகாசம்
மாதம் ரூ.69,000 சம்பளம் தரும் மத்திய அரசு வேலைக்கு விண்ணப்பிக்க இன்னும் 8 நாள்களே (டிச.31 வரை) அவகாசம் உள்ளது.
Admin
0
103
2026 தேர்வு சுழற்சிக்கான அஸ்ஸாம் ரைபிள்ஸில் CAPF-க்கள், SSF மற்றும் ரைஃபிள்மேன் (GD) ஆகியவற்றில் கான்ஸ்டபிள் (ஜெனரல் டியூட்டி) ஆட்சேர்ப்புக்கான அறிவிப்பை பணியாளர் தேர்வு ஆணையம் (SSC - ஸ்டாஃப் செலக்ஷன் கமிஷன்) வெளியிட்டுள்ளது. மேலும், ஆணையம் தனது அதிகாரப்பூர்வ வெப்சைட்டான ssc.gov.in-ல் இதற்கான ரெஜிஸ்ட்ரேஷன் ப்ராசஸையும் தொடங்கியுள்ளது.
இதன்படி ஆன்லைன் அப்ளிகேஷன் ப்ராசஸ் டிசம்பர் 1, 2025 அன்று தொடங்கி இருக்கிறது. இது வரும் டிசம்பர் 31, 2025 இரவு 11 மணி வரை ஓபனில் இருக்கும். விண்ணப்பதாரர்கள் தேர்வு கட்டணத்தை ஜனவரி 1, 2026 வரை ஆன்லைனில் செலுத்தலாம்.
விண்ணப்பம் தொடங்கிய தேதி: டிசம்பர் 1
விண்ணப்பிக்க அவகாசம் முடிவடையும் தேதி: டிசம்பர் 31
கட்டணம் செலுத்த கடைசி தேதி: ஜனவரி 1
விண்ணப்ப திருத்த நேரம்: ஜனவரி 8 முதல் ஜனவரி 10, 2026 வரை
கணினி அடிப்படையிலான தேர்வுக்கான தற்காலிக அட்டவணை: பிப்ரவரி - ஏப்ரல், 2026
SSC GD கான்ஸ்டபிள் 2026 அறிவிப்பு - காலியிடங்கள்
இந்த சமீபத்திய ஆட்சேர்ப்பு அறிவிப்பானது எல்லை பாதுகாப்புப் படை (BSF), மத்திய தொழில்துறை பாதுகாப்புப் படை (CISF), மத்திய ரிசர்வ் காவல் படை (CRPF), சஷாஸ்திர சீமா பால் (SSB), இந்தோ-திபெத்திய எல்லைக் காவல் படை (ITBP), அசாம் ரைபிள்ஸ் மற்றும் செயலகப் பாதுகாப்புப் படை (SSF) உள்ளிட்ட பல படைகளில் 25,487 காலியிடங்களை உள்ளடக்கியது.
இந்த மொத்தப் பணியிடங்களில், 23,467 ஆண்களுக்கும், 2,020 பெண்களுக்கும் என ஒதுக்கப்பட்டுள்ளன. இந்த புள்ளி விவரங்கள் தற்காலிகமானவை என்றும், பங்கேற்கும் படைகளின் தேவைகளைப் பொறுத்து திருத்தப்படலாம் என்றும் SSC குறிப்பிட்டுள்ளது.
தகுதி
SSC GD ஆட்சேர்ப்புக்கு விண்ணப்பிக்கும் நபர்கள் இந்திய குடிமக்களாக இருக்க வேண்டும். CAPF மற்றும் அசாம் ரைபிள்ஸில் காலியிடங்கள் மாநிலம்/யூடி/பகுதி வாரியாக ஒதுக்கப்படுவதால், விண்ணப்பதாரர்கள் தங்கள் மாநிலம் அல்லது யூனியன் பிரதேசத்துடன் தொடர்புடைய இருப்பிடச் சான்றிதழ் அல்லது Permanent Residence Certificate (PRC-ஐ) சமர்ப்பிக்க வேண்டும்.
வயது வரம்பு
வயது தகுதியைப் பொறுத்தவரை, கணக்கிடுவதற்கான முக்கியமான தேதி ஜனவரி 1, 2026 ஆகும். இது ஜூலை 14, 1988 தேதியிட்ட DoP&T OM எண்.14017/70/87-Estt. (RR)இன் விதிகளின்படி உள்ளது. அதன்படி, விண்ணப்பிப்போர் ஜனவரி 1, 2026 அன்று 18 முதல் 23 வயதுக்குட்பட்டவர்களாக இருக்க வேண்டும் - அதாவது, ஜனவரி 2, 2003-க்கு முன்னும், ஜனவரி 1, 2008-க்கு பின்பும் பிறந்திருக்கக்கூடாது.
விண்ணப்பிக்கும் முறை மற்றும் விண்ணப்பக் கட்டணம்
- அதிகாரப்பூர்வ வெப்சைட்டான ssc.gov.in-க்கு செல்லவும்
- OTR-ஐ பூர்த்தி செய்து ஒரு அக்கவுன்ட்டை உருவாக்கவும்
- தனிப்பட்ட, கல்வி விவரங்களின் கீழ் ஆவணங்களை நிரப்பி பதிவேற்றவும்.
- விவரங்களை சரிபார்த்து கட்டணத்தைச் செலுத்தி, படிவத்தை டவுன்லோட் செய்து கொள்ளவும்.
SSC GD ஆட்சேர்ப்புக்கான விண்ணப்பக் கட்டணம் ரூ.100 என நிர்ணயிக்கப்பட்டுள்ளது. SSC-ன் இடஒதுக்கீடு மற்றும் கட்டணத் தளர்வு கொள்கைகளின்படி, பெண்கள், பட்டியல் சாதியினர் (SC) மற்றும் பட்டியல் பழங்குடியினர் (ST) பிரிவைச் சேர்ந்தவர்கள் மற்றும் தகுதியுள்ள முன்னாள் ராணுவ வீரர்களுக்கு கட்டணம் செலுத்துவதில் இருந்து விலக்கு அளிக்கப்படுகிறது.
தேர்வு முறை
SSC GD தேர்வு செயல்முறையானது விண்ணப்பதாரர்களின் நியாயமான மற்றும் விரிவான மதிப்பீட்டை உறுதி செய்யும் வகையில் பல நிலைகளை உள்ளடக்கியது. இது கணினி அடிப்படையிலான தேர்வுடன் (CBE) தொடங்குகிறது, இதனை தொடர்ந்து உடல் திறன் தேர்வு (PET) மற்றும் உடல் தரநிலை தேர்வு (PST) இருக்கும்.
இதன் பின்னர் பட்டியலிடப்பட்ட வேட்பாளர்கள் விரிவான மருத்துவ பரிசோதனை (DME) மற்றும் ஆவண சரிபார்ப்புக்கு உட்படுத்தப்படுவார்கள். ஒவ்வொரு கட்டத்திலும் தகுதி பெறுபவர்கள் மட்டுமே இறுதித் தேர்வுக்கு பரிசீலிக்கப்படுவார்கள், இது ஒட்டுமொத்த தகுதி மற்றும் மருத்துவ தகுதியை அடிப்படையாகக் கொண்டது.
அதேபோல் SSC GD ஆட்சேர்ப்புக்கான கணினி அடிப்படையிலான தேர்வு (CBE) ஆணையத்தால் ஆங்கிலம், இந்தி மற்றும் 13 பிராந்திய மொழிகளில் நடத்தப்படும். இந்த பிராந்திய மொழிகளில் அசாமி, பெங்காலி, குஜராத்தி, கன்னடம், கொங்கனி, மலையாளம், மணிப்பூரி, மராத்தி, ஒடியா, பஞ்சாபி, தமிழ், தெலுங்கு மற்றும் உருது ஆகியவை அடங்கும்.
சம்பளம் எவ்வளவு?
SSC GD ஆட்சேர்ப்பின் கீழ் உள்ள அனைத்து பதவிகளுக்கும் ரூ.21,700 முதல் ரூ.69,100 வரை என சம்பள நிலை 3 சம்பள அளவுகோல் உள்ளது. விண்ணப்பதாரர்கள் அதிகாரப்பூர்வ அறிவிப்பை கவனமாகப் படித்து, விண்ணப்பங்களைச் சமர்ப்பிப்பதற்கு முன்பு அனைத்து தகுதி அளவுகோல்களையும் பூர்த்தி செய்வதை உறுதி செய்ய SSC அறிவுறுத்தியுள்ளது.
