லக்னோவில் நிலவும் கடும் பனிமூட்டம் காரணமாக, இந்தியா, தென்னாப்பிரிக்க அணிகள் இடையேயான 4வது டி20 கிரிக்கெட் போட்டி ஒரு பந்து கூட வீசப்படாமலேயே கைவிடப்பட்டது.
ஏற்கெனவே நடந்த 3 டி20 கிரிக்கெட் போட்டிகளில் இரண்டு போட்டிகளில் இந்திய அணியும், ஒரு போட்டியில் தென்னாப்பிரிக்க அணியும் வெற்றி பெற்றுள்ளன. இந்நிலையில், 4வது டி20 கிரிக்கெட் போட்டி இன்று இரவு 7 மணிக்கு லக்னோவில் நடைபெற இருந்தது.
ஆனால் லக்னோவில் கடும் பனிமூட்டம் நிலவியது. இதனால் போட்டித் தொடங்குவது தொடர்ந்து தாமதமாகி வந்தது.
மைதானத்தில் 2 முறை ஆய்வு செய்து பார்த்த நடுவர்கள், நிலைமை சீராகாததை அடுத்து 4வது டி20 போட்டி கைவிடப்படுவதாக தெரிவித்தனர்.
இரு அணிகள் இடையேயான 5வது மற்றும் கடைசி டி20 கிரிக்கெட் போட்டி, வரும் 19-ம் தேதி அகமதாபாத்தில் நடைபெற இருக்கிறது. இதில் இந்தியா வென்றால், தொடரை வெல்லும். தென்னாப்பிரிக்க வென்றால் டி20 போட்டித் தொடர் சமனில் முடிவடையும்.
Admin
