2 நாட்களில் முடிவடைந்தது ஆஷஸ் முதல் டெஸ்ட்: ஹெட் விளாசலில் ஆஸி. வெற்றி!
Admin
இங்கிலாந்து அணிக்கு எதிரான ஆஷஸ் டெஸ்ட் கிரிக்கெட் தொடரின் முதல் போட்டியில் டிராவிஸ் ஹெட்டின் அதிரடியான சதத்தால் ஆஸ்திரேலிய அணி 8 விக்கெட்கள் வித்தியாசத்தில் வெற்றி பெற்றது.
பெர்த் நகரில் நடைபெற்று வந்த இந்த டெஸ்ட் போட்டியில் டாஸ் வென்று பேட் செய்த இங்கிலாந்து அணி மிட்செல் ஸ்டார்க்கின் வேகப்பந்து வீச்சை தாக்குப்பிடிக்க முடியாமல் 32.5 ஓவர்களில் 172 ரன்களுக்கு ஆட்டமிழந்தது. அதிகபட்சமாக ஹாரி புரூக் 52, ஆலி போப் 46, ஜேமி ஸ்மித் 33 ரன்கள் சேர்த்தனர். ஆஸ்திரேலிய அணி தரப்பில் மிட்செல் ஸ்டார்க் 7 விக்கெட்கள் வீழ்த்தியிருந்தார்.
நேதன் லயன் 4 ரன்களில் பிரைடன் கார்ஸ் பந்தில் நடையை கட்டினார். பிரெண்டன் டாகெட் 7 ரன்களுடன் ஆட்டமிழக்காமல் இருந்தார். இங்கிலாந்து அணி தரப்பில் பென் ஸ்டோக்ஸ் 5, பிரைடன் கார்ஸ் 3, ஜோப்ரா ஆர்ச்சர் 2 விக்கெட்களை வீழ்த்தினர்.
205 ரன்கள் இலக்குடன் பேட் செய்த ஆஸ்திரேலிய அணி டிராவிஸ் ஹெட்டின் அதிரடியால் 28.2 ஓவர்களிலேயே 2 விக்கெட்களை மட்டும் இழந்து வெற்றி பெற்றது. தொடக்க வீரராக களமிறங்கிய டிராவிஸ் ஹெட் 69 பந்துகளில், 4 சிக்ஸர்கள், 12 பவுண்டரிகளுடன் சதம் விளாசினார். இது சர்வதேச டெஸ்ட் அரங்கில் அவரது 10-வது சதமாக அமைந்தது. அதிரடியாக விளையாடிய டிராவிஸ் ஹெட் 83 பந்துகளில், 4 சிக்ஸர்கள், 16 பவுண்டரிகளுடன் 123 ரன்கள் விளாசிய நிலையில் பிரைடன் கார்ஸ் பந்தில் ஆட்டமிழந்தார்.
104 வருடங்களுக்கு பிறகு… - பெர்த்தில் நடைபெற்ற ஆஷஸ் டெஸ்ட் கிரிக்கெட் தொடரின் முதல் போட்டி 2 நாட்களில் முடிவடைந்தது. ஆஷஸ் தொடரில் 2 நாட்களில் ஒரு டெஸ்ட் போட்டி முடிவடைவது இது 6-வது முறையாகும்.
1888-ம் ஆண்டில் லார்ட்ஸ், தி ஓவல், மான்செஸ்டர் ஆகிய மைதானங்களில் நடைபெற்ற போட்டிகளும் 2 நாட்களில் முடிவடைந்திருந்தது.
மேலும் 1890-ம் ஆண்டு தி ஓவல் மைதானத்திலும், 1921-ம் ஆண்டு நாட்டிங்ஹாமிலும் நடைபெற்ற டெஸ்ட் போட்டிகளும் 2 நாட்களில் முடிவுக்கு வந்திருந்தன. இந்த வரிசையில் தற்போது 104 வருடங்களுக்கு பிறகு ஆஷஸ் தொடரின் போட்டி 2 நாட்களில் நிறைவு பெற்றுள்ளது. மேலும் ஆஸ்திரேலிய மண்ணில் நடைபெற்ற ஆஷஸ் டெஸ்ட் போட்டி 2 நாட்களில் முடிவடைவது இது முதல் முறையாகும்.
