வங்கதேசத்தில் வரும் காலத்தில் சக்தி வாய்ந்த நிலநடுக்கம் ஏற்படும்: நிபுணர்கள் எச்சரிக்கை

Nov 24, 2025 - 11:00

0 8

வங்கதேசத்தில் வரும் காலத்தில் சக்தி வாய்ந்த நிலநடுக்கம் ஏற்படும்: நிபுணர்கள் எச்சரிக்கை

வங்க தேசத்தில் வெள்ளிக்கிழமை காலை கடுமையான நிலநடுக்கம் ஏற்பட்டது. இது, ரிக்டர் அளவுகோலில் 5.7-ஆக பதிவானது.

தலைநகர் டாக்கா உட்பட வங்கதேசத்தின் மத்திய பகுதிகளில் இந்த நிலநடுக்கத்தின் பாதிப்பால் கட்டிடங்கள் இடிந்து விழுந்தன. இதில் 10 பேர் உயிரிழந்தனர். வெள்ளிக்கிழமையை தொடர்ந்து சனிக்கிழமையும் 3 முறை லேசான அதிர்வுகள் உணரப்பட்டன.

இதுகுறித்து நிபுணர்கள் கூறுகையில், “வங்கேதேசத்தில் எதிர்வரும் காலங்களில் இன்னும் பலத்த நிலநடுக்கம் ஏற்பட அதிக வாய்ப்புகள் உள்ளன. இப்போதே முன்னெச்சரிக்கை நடவடிக்கைகளை எடுக்க தவறினால் வருங்காலத்தில் அதிக இழப்புகள் ஏற்படக்கூடும்’’ என்று எச்சரிக்கை விடுத்துள்ளனர்.

தி டெய்லி ஸ்டார் நேற்று வெளியிட்ட செய்தியில், “நிலநடுக்கத்தில் 14 கட்டிடங்கள் சேதமடைந்துள்ளதை டாக்கா மாவட்ட நிர்வாகம் உறுதிப்படுத்தியுள்ளது. பாதிப்புகள் குறித்து தொடர்ந்து கணக்கெடுக்கப்பட்டு வருகிறது. இதையடுத்து, பாதிப்பு எண்ணிக்கை மேலும் அதிகரிக்கும் என்று எதிர்பார்க்கப்படுகிறது" என்று தெரிவித்துள்ளது.