தவெகவில் 10 பேர் கொண்ட தேர்தல் பிரச்சார குழு நியமனம்
tvk-appoints-team-for-campaign
Admin
தவெகவில் 10 பேர் கொண்ட தேர்தல் பிரச்சார குழுவை விஜய் நியமித்துள்ளார்.
தமிழகத்தில் அடுத்த சில மாதங்களில் சட்டப்பேரவை தேர்தல் நடைபெறவுள்ள நிலையில் அரசியல் கட்சிகள் தேர்தல் பணிகளைத் தீவிரப்படுத்தி உள்ளன. கூட்டணி பேச்சுவார்த்தைகள், தொகுதி பங்கீடுபேச்சுவார்த்தைகள் துரிதப்படுத்தப்பட்டு வருகின்றன. முதல் முறையாக தேர்தல் களம் காணும் விஜய்யின் தமிழக வெற்றிக் கழகம் தீவிரமாக களப்பணி ஆற்றி வருகிறது.
இந்நிலையில், சட்டப்பேரவை தேர்தலை எதிர்கொள்ள, தேர்தல் பிரச்சாரக் குழுவை விஜய் அமைத்துள்ளார். தவெக பிரச்சாரக் குழுவில் கட்சியின் பொதுச் செயலாளர் என் ஆனந்த், தேர்தல் மேலாண்மை பிரிவு பொதுச் செயலாளர் ஆதவ் அர்ஜுனா, உயர்மட்டக் குழு தலைமை ஒருங்கிணைப்பாளர் செங்கோட்டையன் ஆகியோர் இடம்பெற்றுள்ளனர்.
மேற்கண்ட குழு, 234 தொகுதிகளிலும் ஆலோசனைக் கூட்டங்கள், பிரசாரக் கூட்டங்கள் உள்ளிட்டவற்றை நடத்துவது தொடர்பான பணிகளை மேற்கொள்ளும். இக்குழுவிற்குக் கழகத் தோழர்கள் அனைவரும் முழு ஒத்துழைப்பு நல்க வேண்டும்” எனத் தெரிவித்துள்ளார்.
