லோகேஷ் கனகராஜ் இயக்கும் படம்: அல்லு அர்ஜுன் ஜோடியாக ஷ்ரத்தா கபூர்
Admin
ரஜினியின் கூலி படத்தை இயக்கிய லோகேஷ் கனகராஜ், அடுத்து ‘கைதி 2’ படத்தை இயக்க இருந்தார். இதற்கிடையே ரஜினி- கமல் இணையும் படத்தை இயக்கும் வாய்ப்பு அவருக்குக் கிடைத்தது. அவர்கள் ஆக்ஷன் இல்லாத, நகைச்சுவை கலந்த குடும்ப கதையை எதிர்பார்த்ததால், அப்படத்திலிருந்து விலகினார் லோகேஷ்.
நடிகர் கார்த்தி மற்ற படங்களில் பிசியாக இருப்பதால் ‘கைதி 2’ படத்தை இப்போது அவர் இயக்கவில்லை. இந்நிலையில் அல்லு அர்ஜுன் நடிக்கும் படத்தை இயக்க இருக்கிறார். மைத்ரி மூவி மேக்கர்ஸ் தயாரிக்கும் இப்படத்தின் படப்பிடிப்பு மே மாதம் தொடங்க இருக்கிறது.
அதற்குள் அட்லி இயக்கும் படத்தில் நடித்து வரும் அல்லு அர்ஜுன், அதை முடித்துவிடுவார் என்கிறார்கள். இதற்கிடையே பான் இந்தியா முறையில் உருவாகும் இப்படத்தில் இந்தி நடிகை ஷ்ரத்தா கபூர் நாயகியாக நடிக்க இருப்பதாகக் கூறப்படு கிறது. இப்படத்துக்கு அனிருத் இசையமைக்கிறார்.
