'மதராஸி' திரைப்படம் ஓடிடியில் வெளியானது!
Admin
நடிகர் சிவகார்த்திகேயன் நடிப்பில், பிரபல இயக்குநர் ஏ.ஆர். முருகதாஸ் இயக்கிய 'மதராஸி' திரைப்படம் அமேசான் பிரைம் ஓடிடி தளத்தில் வெளியாகியுள்ளது.
மதராஸி' திரைப்படம் கடந்த செப்டம்பர் 5 ஆம் தேதி திரையரங்குகளில் வெளியாகி, ரசிகர்கள் மற்றும் விமர்சகர்கள் மத்தியில் கலவையான விமர்சனங்களை பெற்றது. இந்தப் படத்தில் சிவகார்த்திகேயனுடன், 'துப்பாக்கி' படத்தில் வில்லனாக நடித்துப் பிரபலமான வித்யுத் ஜம்வால், பிஜு மேனன், ருக்மிணி வசந்த், ஷபீர் கல்லரக்கல், விக்ராந்த் உள்ளிட்டோர் முக்கிய வேடங்களில் நடித்துள்ளனர். இப்படத்தை ஸ்ரீ லட்சுமி மூவிஸ் நிறுவனம் தயாரித்துள்ளது.
படத்தின் முக்கிய அம்சங்களாக, நடிகர் வித்யுத் ஜம்வால்லின் அழுத்தமான நடிப்பும், அனிருத் ரவிச்சந்தரின் துள்ளலான இசையமைப்பும் ரசிகர்களிடையே பெரிதும் பேசப்பட்டன. இந்தப் படம் இதுவரை உலகளவில் ரூ.100 கோடிக்கும் அதிகமாக வசூலித்துள்ளதாகப் படக்குழு அதிகாரப்பூர்வமாக அறிவித்துள்ளது.
திரையரங்குகளில் வெற்றிகரமாக ஓடிய நிலையில், 'மதராஸி' திரைப்படம் அமேசான் பிரைம் ஓடிடி தளத்தில் வெளியிடப்பட்டுள்ளது. இந்தப் படம் தமிழ், தெலுங்கு, மலையாளம், இந்தி உள்ளிட்ட பல்வேறு மொழிகளில் காணக் கிடைக்கிறது.
