தமிழகத்தை தொடர்ந்து புதுச்சேரி, காரைக்காலில் தீபாவளிக்கு 4 நாட்கள் விடுமுறை

Admin Admin
Oct 18, 2025 - 22:38
0 0
தமிழகத்தை தொடர்ந்து புதுச்சேரி, காரைக்காலில் தீபாவளிக்கு 4 நாட்கள் விடுமுறை

புதுச்சேரி, காரைக்காலில் தீபாவளிக்கு இன்று (அக்.18) முதல் 4 நாட்கள் விடுமுறை அறிவிக்கப்பட்டுள்ளது.

தீபாவளி பண்டிகை இந்த ஆண்டு வரும் 20-ம் தேதி திங்கட்கிழமை கொண்டாடப்படுகிறது. எனவே சனிக்கிழமை ( இன்று ), ஞாயிற்றுக்கிழமை (நாளை) ஆகிய நாட்கள் வார விடுமுறை என்பதால் விடுமுறை அளிக்கப்பட்டுள்ளது. மேலும், அக்டோபர் 20-ம் தேதி தீபாவளி என்பதால் அன்றைய தினம் பொதுவிடுமுறை விடப்பட்டுள்ளது.

தீபாவளி பண்டிகையை முன்னிட்டு தமது சொந்த ஊர்களுக்குச் சென்று திரும்பும் மாணவர்கள், பெற்றோர்கள், ஆசிரியர்கள், அரசு அலுவலர்கள் மற்றும் பொதுத்துறை நிறுவனங்களில் பணிபுரியும் ஊழியர்கள் ஆகியோரின் நலனைக் கருத்தில் கொண்டு 21-ம் தேதி (செவ்வாய்க்கிழமையும்) பொதுவிடுமுறை அறிவிக்கப்பட்டுள்ளது. இதனால் தீபாவளி பண்டிகை விடுமுறை 4 நாட்களாகியுள்ளது.