நிமிடத்துக்கு ரூ. 1 கோடி சம்பளம்... இப்போ சொந்தமாக 'நகை' தொழில் தொடங்கிய தமிழ் பட நடிகை!
தமிழ் படங்கள் மூலமாக பிரபலமான நடிகை தற்போது சொந்தமாக நகைக்கடை தொடங்கியிருக்கிறார்.
Admin
0
2
தென்னிந்திய சினிமாவில் முக்கிய நடிகையாக வலம்வருபவர் நடிகை தமன்னா. இவர் நிமிடத்துக்கு ஒரு கோடி ரூபாய் சம்பளம் பெற்றுள்ளதாக தகவல் வெளியாகியுள்ளது. தமிழ், தெலுங்கு, கன்னடம், ஹிந்தி என பல படங்களில் முன்னணி நடிகர்களுடன் தமன்னா ஜோடி சேர்ந்து நடித்துள்ளார். 2005-ம் ஆண்டு அறிமுகமான அவர் கடந்த 25 வருடங்களாக சினிமாவில் நடித்து வருகிறார்.
கடந்த ஆண்டு ஒரேயொரு படத்தில் தான் தமன்னா முன்னணி வேடத்தில் நடித்திருந்தார். ஆனாலும் வருடம் முழுக்க ட்ரெண்டிங்கில் இருந்து வருகிறார். அதற்கு காரணம், படங்களில் ஒரு பாடலுக்கு சிறப்பு தோற்றத்தில் ஆடும் அவர் அதன்மூலம் ரசிகர்கள் மனதில் இடம்பிடித்து வருகிறார்.
‘ஜெயிலர்’ படத்தில் ‘காவாலா’ பாடல் மூலம் தொடங்கிய இந்த ட்ரெண்ட், ‘ஆஜ் கி ராத்’ (ஸ்ட்ரீ 2), ‘நாஷா’ (ரெய்டு 2), மற்றும் ‘ஜோக்’ (கேஜிஎஃப்) போன்ற படங்கள் மூலமாகவும் தொடர்ந்து வருகிறது. இதனால் ஒரு பாடலுக்கு நடனம் ஆடுவதற்காக மட்டுமே அதிக சம்பளம் வாங்கும் நட்சத்திரம் என்ற பெயரை பெற்றுள்ள அவர் அண்மையில் கோவாவின் பாகா கடற்கரையில் உள்ள பிரபலமான லாஸ் ஓலாஸ் கடற்கரை கிளப்பில் புத்தாண்டு கொண்டாட்டத்தில் நடனம் ஆடினார்.
6 நிமிடம் மட்டுமே நடனம் ஆட 6 கோடி ரூபாய் வரை சம்பளம் வழங்கப்பட்டிருக்கிறது என்று தகவல்கள் தெரிவிக்கின்றன. அந்த வகையில் ஒரு நிமிடத்துக்கு ஒரு கோடி ரூபாய் சம்பளம் வாங்கி எந்த நடிகையும் செய்யாத சாதனையை புத்தாண்டு தினத்தில் படைத்திருந்தார் தமன்னா.
தற்போது விஷால் - சுந்தர் சி கூட்டணியில் புருஷன் படத்தில் கமிட்டாகி உள்ளார். இந்நிலையில், Tamannaah Fine Jewellery என்ற நிறுவனத்தை தமன்னா தொடங்கி உள்ளார். மும்பையில் இதன் தொடக்க விழா விமரிசையாக நடைபெற்றது.
நடிகைகள் நயன்தாரா, சமந்தா, பிரியங்கா சோப்ரா உள்ளிட்டோர் வரிசையில் தமன்னாவும் சொந்தமாக தொழில் நிறுவனத்தை தொடங்கியுள்ளது குறிப்பிடத்தக்கது. பாலிவுட் நடிகர் விஜய் வர்மாவுடன் காதல் தோல்வி என அடுத்தடுத்து சறுக்கல்களை சந்தித்த தமன்னா, அதிலிருந்து மீண்டும் புதிய வேகத்தில் நடைபோட்டு வருகிறார்.
