அணுசக்தி துறையில் தனியாரை அனுமதிக்கும் மசோதா: மக்களவையில் நிறைவேற்றம்
Admin
அணுசக்தி துறையில் தனியார் நிறுவனங்களை அனுமதிக்கும் மசோதா மக்களவையில் நேற்று நிறைவேறியது.
அணுசக்தி துறை மத்திய அரசின் முழு கட்டுப்பாட்டில் உள்ளது. நாட்டில் அணு மின்சார உற்பத்தியை அதிகரிக்கும் நோக்கில், இத்துறையில் தனியாருக்கு அனுமதி வழங்க மத்திய அரசு முடிவு செய்து உள்ளது.
நாம் 2047-ம் ஆண்டுக்குள் 100 ஜிகா வாட் அணு மின்சக்தி உற்பத்தி என்ற இலக்கை எட்ட வேண்டும். அதற்கு, இப்போது கொண்டுவரப்படும் அணுசக்தி மசோதா உதவும்.
நாட்டில் அதிகரித்து வரும் எரிசக்தி தேவைகளுக்கு தீர்வு காணவும், மொத்த எரிசக்தியில், அணு மின்சாரத்தின் பங்கை 10 சதவீதமாக அதிகரிக்கவும் இந்த மசோதா அவசியம்.இவ்வாறு அமைச்சர் ஜிதேந்திர சிங் பேசினார்.
இந்த மசோதாவை எதிர்த்து காங்கிரஸ் எம்.பி மணீஷ் திவாரி பேசுகையில், ‘‘இந்த மசோதாவில் அணுசக்தி சாதனங்களை விநியோகிக்கும் நிறுவனங்களின் பொறுப்பை நீக்கும் பிரிவு உள்ளது. இந்தப் பிரிவு, அணு உலை விபத்து ஏற்பட்டால் இந்தியாவுக்கு பாதகமாக அமையும். கதிர்வீச்சு கழிவுகளை கையாள்வது, யுரேனியம் அணு உலைகளுக்கு முன்னுரிமை அளிப்பது போன்ற திட்டங்கள் எதுவும் இந்த மசோதாவில் இல்லை’’ என்றார். இதையடுத்து இந்த மசோதா மக்களவையில் நேற்று நிறைவேறியது.
