ஒரே நாளில் தங்கம் விலை சவரனுக்கு ரூ.2 ஆயிரம் சரிவு: இன்றைய நிலவரம் இதோ!

தமிழகத்தில் நேற்று முன்தினம் (அக் 16) ஆபரண தங்கம் கிராம், 11,900 ரூபாய், சவரன், 95,200 ரூபாய் என்ற உச்சத்தை எட்டியது. வெள்ளி கிராம், 206 ரூபாய்க்கு விற்கப்பட்டது. நேற்று (அக் 17) ஒரே நாளில் தங்கம் விலை கிராமுக்கு, 300 ரூபாய் உயர்ந்து, 12,200 ரூபாய்க்கு விற்பனையானது.

சவரனுக்கு அதிரடியாக, 2,400 ரூபாய் அதிகரித்து எப்போதும் இல்லாத வகையில், 97,600 ரூபாயாக உயர்ந்தது. வெள்ளி விலை கிராமுக்கு, 3 ரூபாய் குறைந்து நேற்று, 203 ரூபாய்க்கு விற்கப்பட்டது.

இந்நிலையில் இன்று (அக் 18) 22 காரட் ஆபரண தங்கத்தின் விலை சவரனுக்கு ரூ.2 ஆயிரம் சரிந்து ஒரு சவரன் ரூ.95,600க்கு விற்பனை ஆகிறது. கிராமுக்கு ரூ.250 குறைந்து ஒரு கிராம் ரூ.11,950க்கு விற்பனை செய்யப்படுகிறது. தங்கம் விலை கடந்த சில தினங்களாக புதிய உச்சம் தொட்டு வந்த நிலையில் இன்று சவரனுக்கு ரூ.2 ஆயிரம் சரிந்து நகைப்பிரியர்களுக்கு சற்று ஆறுதலை கொடுத்துள்ளது.

வெள்ளி விலை கிராமுக்கு, 13 ரூபாய் குறைந்து, ஒரு கிராம் 190 ரூபாய்க்கு விற்கப்படுகிறது. கடந்த சில தினங்களாக வெள்ளி விலை உயர்ந்து வந்த நிலையில் இன்று சரிவை கண்டுள்ளது. இம்மாதம், 1ம் தேதி சவரன் , 87,600 ரூபாய்க்கு விற்கப்பட்டது. கடந்த மூன்று வாரங்களில் மட்டும் பவுனுக்கு, 10,000 ரூபாய் அதிகரித்துள்ளது என்பது குறிப்பிடத்தக்கது.