நம் உடலின் முக்கிய உறுப்புகளில் ஒன்றான கண்கள்.

 

கண் இல்லாவிட்டால் நம்மால் எந்த ஒரு வேலையையும் வழக்கமாக செய்ய முடியாது.

 

ஊட்டச்சத்து குறைபாடு, முதுமை, மரபு வழி உள்ளிட்ட காரணிகள் பார்வை குறைபாடு பிரச்சினைக்கு காரணமாக அமைகின்றன.

 

அதை சரிசெய்ய தினசரி வாழ்வில் இந்த உணவுகளை எடுத்துக் கொள்ள வேண்டும்.

 

பாதாம்

 

 

கண் ஆரோக்கியத்திற்கு நட்ஸ் மிகவும் நல்ல தீர்வளிக்கிறது.

 

பாதாமில் வைட்டமின் ஈ அதிகமாக இருக்கிறது.

 

இது நோய் எதிர்ப்பு சக்தியை அதிகரிக்கச் செய்வதோடு கண்புரை பிரச்சினை உள்ளவர்களுக்கு பாதாம் செல் சேதத்திலிருந்து பாதுகாக்கிறது.

 

குறைந்தது 10 பாதாம் 2.5 கிராம் புரதத்தை வழங்குகிறது.

 

இது திசுக்களை சரிசெய்து கண்பார்வையைத் தொய்வடையச் செய்துவிடும்.

 

இரும்புச்சத்தை வைட்டமின் சி நிறைந்த உணவுகளுடன் சேர்த்து இணைந்து எடுத்துக் கொள்ளும்போது கண்களுக்கு மிகச்சிறந்த இரத்த ஓட்டத்தை அளிக்கிறது.

 

மேலும் மாங்கனீசு ஃப்ரீ ரேடிக்கல்களை எதிர்த்து கண்களில் ஏற்படும் வலியைக் குறைக்கிறது.

 

பாஸ்பரஸ் நரம்பு ஆரோக்கியத்திற்கும் மங்கலான பார்வையை சரிசெய்து வலுப்படுத்துவதற்கும் சிறந்த பங்களிப்பைத் தருகிறது.

 

இவ்வளவு நன்மைகளைத் தருகிற பாதாமை தினமும் 10-15 அளவில் நேரில் எடுத்துக் கொள்ளலாம்.

 

கேரட்

 

 

கேரட்டில் வைட்டமின் ஏ அதிகம் உள்ளது.இது ஆரோக்கியமான பார்வைக்கு தேவையான ஊட்டச்சத்து என்பதால் அதிகம் எடுத்துக் கொள்ள வேண்டும்.

 

கேரட்டில் பீட்டா கரோட்டின் உள்ளது.

 

இது வைட்டமின்- ஏ ஆக மாறுகிறது. இதைத் தவிர லூடீன் என்ற ஆன்டிஆக்ஸிடன்ட்டும் அதிலுள்ளது.

 

இந்த ஆன்டி-ஆக்ஸிடண்ட் நிறைந்த உணவுகள் கண்களில் உள்ள மாகுலாவில் நிறமியின் அடர்த்தியை அதிகரிப்பதாக கண்டறியப்பட்டுள்ளது.

 

இதனால் உங்கள் விழித்திரை சிறப்பாக பாதுகாக்கப்பட்டு, மாகுலர் சிதைவுக்கான உங்கள் ஆபத்தை குறைக்கிறது.

 

கேரட்டை சமைத்து சாப்பிடுவதைவிட பச்சையாய் சாப்பிடுவதே சிறந்தது.

 

மேலும் இதை சாலட், ஜூஸ் ஆகவும் சாப்பிடலாம்.

 

பச்சை இலை காய்கறிகள்

 

 

பொதுவாக பச்சை இலை காய்கறிகளில் வைட்டமின் ஏ, வைட்டமின் சி, லுடீன், நார்ச்சத்து, ஃபோலிக் அமிலம், வைட்டமின் கே, மெக்னீசியம், கால்சியம், இரும்பு மற்றும் பொட்டாசியம் போன்ற பல சத்துக்கள் நிறைந்துள்ளன.

 

இதிலுள்ள லுடீன் மிகச்சிறந்த ஆக்சிஜனேற்றியாகும்.

 

கண் சருமங்களில் உள்ள ஃப்ரீ ரேடிக்கல்களைத் தடுத்து செல் சேதத்திலிருந்து பாதுகாப்பதோடு கண்களில் ஏற்படும் சிதைவையும் தடுக்கிறது.

 

கேல் கீரை, முட்டைக்கோஸ், கீரை, ப்ரக்கோலி ஆகியவை தவிர சீமை சுரைக்காய், மக்காச் சோளம், பட்டாணி போன்றவற்றையும் ஆரோக்கியமான கண்பார்வைக்கு எடுத்துக் கொள்ளலாம்.

 

சிட்ரஸ் பழங்கள்

 

 

சிட்ரஸ் பழங்களான ஆரஞ்சு, எலுமிச்சை, தக்காளி மற்றும் திராட்சைப்பழங்களில் கண்களுக்கு நன்மை பயக்கும் வைட்டமின் சி நிறைந்துள்ளது.

 

இது நம் கண்களின் ரத்த நாளங்களுக்குள் ரத்த ஓட்டத்தை அதிகரிக்கச் செய்ய உதவும்..

 

மேலும் இது மற்ற வைட்டமின்களுடன் இணைந்து கண்புரையின் வளர்ச்சியையும் மற்றும் வயது தொடர்பான மாகுலர் சிதைவையும் எதிர்த்துப் போராடுகிறது.

 

அதேசமயம் தினசரி உணவில் சிட்ரஸ் பழங்களை சேர்த்துக் கொள்வதன் மூலம் பார்வையை உங்கள் வாழ்நாள் முழுவதும் தெளிவாகவும் ஆரோக்கியமாகவும் வைத்திருக்க முடியும்.

 

இது கண்ணில் ஏற்படும் அழற்சி, வீக்கம் உள்ளிட்ட பிரச்சனைகளையும் சரி செய்கிறது

 

முழு தானியங்கள்

 

 

கண்களின் ஆரோக்கியத்துக்கு முழு தானியங்கள் மிக நல்லது.

 

ஏனெனில் அவை வெள்ளை அரிசி, பாஸ்தா, பதப்படுத்தப்பட்ட ரொட்டி போன்ற மற்ற வகை கார்போஹைட்ரேட்டுகளை விட குறைந்த கிளைசெமிக் குறியீட்டைக் கொண்டுள்ளது.

 

இது தவிர முழு தானியங்களிள் வைட்டமின் ஈ, ஜிங்க் மற்றும் நியாசின் உள்ளது.

 

இதன் மூலம் கண்புரை மற்றும் வயது தொடர்பான மாகுலர் டிஜெனரேஷன் அபாயத்தைக் குறைக்கிறது.

 

முழு தானியங்கள் இரத்தத்தில் சர்க்கரை அளவு அதிகரிப்பதை குறைப்பதால் காலப்போக்கில் விழித்திரையை சேதமாவது தடுக்கப்படுகிறது.

 

எனவே குயினோவா, பழுப்பு அரிசி, ஓட்ஸ் மற்றும் முழு கோதுமை ரொட்டி போன்ற முழு தானியங்களை நாம் எடுத்துக் கொள்ளலாம்.

 

மீன்

 

 

குறைந்தபட்சம் வாரத்திற்கு இரண்டு முறை மீன் சாப்பிடுவது மிகவும் நல்லது.

 

இது வயதாகும்போதுகூட உங்களுடைய கண்களில் உண்டாகும் பிரச்சினைகளில் இருந்து காக்க உதவும்.

 

இதிலுள்ள ஒமேகா -3 கொழுப்பு அமிலங்கள் கண்களி்ல் ஏற்படும் மாஸ்குலர் சிதைவைத் தடுக்க உதவுகிறது.

டுனா, சால்மன், கானாங்கெளுத்தி, நெத்திலி, மத்தி போன்றவற்றை அதிகமாக எடுத்துக் கொள்ளலாம்.

 

ஒமேகா-3 கொழுப்பு அமிலங்களில் உள்ள இபிஏ மற்றும் டிஹெச்ஏ ஆகியவை உலர் கண்கள் தொடர்பான வீக்கத்தைக் கட்டுப்படுத்துவதில் மிக முக்கிய பங்கு வகிக்கிறது.

 

முட்டை

 

 

முட்டை கண் ஆரோக்கியத்திற்கு சிறந்த உணவாகும்.

 

இதில் அடங்கியுள்ள வைட்டமின் ஏ, லூடீன், ஜியாக்சாண்டின் மற்றும் ஜிங்க் சத்து ஆகியவை கண் ஆரோக்கியத்தை பாதுகாக்கின்றன.

 

முட்டையின் வெள்ளைக் கருவில் உள்ள புரதத்தைப் போலவே மஞ்சள் கருவில் உள்ள கொலாஜன் கண்களுக்குக் கீழே உள்ள சுருக்கங்களைத் தடுக்க உதவுகிறது.

 

#Eye Sight  # Health Tips  # Health Food  # கண்பார்வை