பா.ரஞ்சித் இயக்கத்தில் விக்ரம் நடித்துள்ள ‘தங்கலான்’ படத்தின் ட்ரெய்லர் நாளை (ஜூலை 10) வெளியாகும் என படக்குழு அதிகாரபூர்வமாக அறிவித்துள்ளது.

 

பா.ரஞ்சித் இயக்கத்தில் விக்ரம் நடித்துள்ள படம் ‘தங்கலான்’. இதில் பார்வதி, மாளவிகா மோகனன், பசுபதி உள்ளிட்ட பலர் நடித்துள்ளனர்.

 

ஜி.வி. பிரகாஷ் இசை அமைத்துள்ளார். கோலார் தங்க வயல் பின்னணியில் பீரியட் படமாக உருவாகியுள்ள இந்தப் படத்தை ஸ்டூடியோ கிரீன் நிறுவனம் தயாரித்துள்ளது. படப்பிடிப்பு முடிந்து பல மாதங்கள் ஆன நிலையில் இதன் ரிலீஸ் தேதி தள்ளிப் போய்க் கொண்டே இருந்தது.

 

ஆக.15-ம் தேதி சுதந்திர தினத்தன்று ரிலீஸ் ஆகும் என்று தகவல் வெளியாகியுள்ளது.

 

இப்படத்தின் ட்ரெய்லர் நாளை 10-ம் தேதி வெளியாகும் என தெரிவிக்கப்பட்டுள்ளது.

 

அந்த ட்ரெய்லரில் படத்தின் ரிலீஸ் தேதி குறிப்பிடப்படும் என எதிர்பார்க்கப்படுகிறது.

 

விக்ரம் அடுத்ததாக ‘சித்தா’ இயக்குநர் அருண் குமாருடன் இணைந்து ‘வீர தீர சூரன்’ படத்தில் நடித்து வருகிறார்.

#Thangalaan  # Vikram  # Pa Ranjith  # Trailer  # Veera Dheera Sooran  #